आम्ही कामं करणारी माणसं आहोत. लोकांना कामं हवी असतात. सोशल मिडियावर व्हिडिओ तयार करून भावनिक वातावरण तयार करणारे आम्ही नाहीत. लोकांच्या भावनेशी खेळून मतं मिळत नाहीतं, असं टिकास्त्र खासदार डॉ. सुजय विखे यांनी निलेश लंके यांचं नाव न घेता सोडलं.
नगरच्या रेल्वेस्टेशनजवळ उभारण्यात येत असलेल्या मालधक्क्याची माहिती खासदार डॉ. विखे यांनी यावेळी दिली. याप्रसंगी आमदार संग्राम जगताप, अविनाश घुले आदींसह शेकडो मतदार आणि कार्यकर्ते उपस्थित होते.
खा. डॉ. विखे म्हणाले, ‘आमच्यावर काही लोक टीका करतात. पण त्यांचं कर्तृत्व मतदार चांगलेच जाणताहेत. साडेचार वर्षे ते आमदार होते. या साडेचार वर्षांच्या कारकिर्दीत कांदा उत्पादक शेतकऱ्यांसाठी काय केलं, हे त्यांनी सांगावं. स्वतःची साडेचार वर्षे झाकून ठेवायची आणि दुसऱ्यावर टीका करायची, असलं राजकारण जनतेला मान्य नाही’.
