अल्पवयीन मुलं – मुली आणि वयोवृद्ध माणसं बेपत्ता होण्याच्या घटना सतत घडत असतात. बेपत्ता झालेल्या काही व्यक्ती पुन्हा सापडतात. मात्र हिंदी चित्रपट सृष्टीतला एक अभिनेता असा आहे, की तो 30 वर्षांपासून बेपत्ता असून पोलिसांना तो अद्यापपर्यंत सापडलेला नाही. कर्ज, अर्थ आणि वारिस या प्रसिद्ध हिंदी चित्रपटात काम केलेल्या या अभिनेत्याचं नाव आहे राज किरण मेहता. या अभिनेत्यानं कर्ज या चित्रपटात अभिनेता गोविंदाच्या मोठ्या भावाची भूमिका साकारलेली आहे.
या अभिनेत्याची मुलगी ऋषिका ही वडिलांचा शोध घेत आहे. मात्र यात तिला सातत्यानं अपयश येत आहे. यासाठी तिनं अक्षरशः खासगी गुप्तहेरांची नेमणूकदेखील केली होती. ऋषिका राजकिरण मेहतानी ही व्यवसायाने ज्वेलरी डिझाईनर आणि ब्लॉगर आहे. दरम्यान, अभिनेता राजकिरण हे मानसिकदृष्ट्या आजारी होते. अभिनेता राजकिरण यांच्या शोधासाठी अनेकदा प्रयत्न करूनही त्यांचा शोध लागलेला नाही. त्यामुळे या अभिनेत्यासोबत नक्की काय झालंय, हे कळायला सध्या तरी काहीही मार्ग नाही.
