मित्रांनो, आज काल ‘हार्ट अटॅक’ अर्थात हृदयविकाराचा झटका ही समस्या प्रचंड वाढली आहे. कोणालाही हल्ली हृदयविकाराचा झटका येऊ शकतो. मग त्या व्यक्तीचं वय किती आहे, ती व्यक्ती जाड आहे की सडपातळ, स्त्री आहे की पुरुष, तरुण आहे की लहान मुलगा, यावर ते अजिबात अवलंबून नसतं. ‘हार्ट अटॅक’ येण्यापूर्वी शरीरात नेमकं काय काय होतं, हे आज आपण जाणून घेणार आहोत.
सर्वात महत्त्वाचं म्हणजे आपल्या शरीरातल्या रक्ताभिसरण प्रक्रियेला जितका विलंब होईल, तितकाच हृदयाच्या स्नायूंना हानी पोहोचण्याचा धोका जास्त असतो. खरं तर कोरोनरी आर्टरी डिसीज सी. ए. डी. CAD हे हृदयविकाराच्या झटक्याचं मुख्य कारण आहे.
‘हार्ट अटॅक’ येण्यापूर्वी आपलं शरीर आपल्याला अनेक प्रकारची सिग्नल्स देत असतं. जसं की छातीत दुखणं, जबड्यात वेदना होणं, मानेत दुखणं, पाठदुखीचा त्रास होणं, हात किंवा खांद्यावर वेदना होणं ही सामान्यतः लक्षणं जाणवतात. तर मग मित्रांनो, अजिबात निष्काळजीपणा करू नका. ही लक्षणे जाणवताच तात्काळ डॉक्टरांचा सल्ला घ्या आणि स्वतःचे प्राण वाचवा.
