राजकारणअधिकृत आणि 'अनधिकृत' पत्रकार...! दोघांनाही मिळाले पंतप्रधान नरेंद्र मोदींच्या सभेचे 'पास' ;...

अधिकृत आणि ‘अनधिकृत’ पत्रकार…! दोघांनाही मिळाले पंतप्रधान नरेंद्र मोदींच्या सभेचे ‘पास’ ; आश्चर्यकारक ‘यंत्रणा’…!

spot_img

देशाचे पंतप्रधान नरेंद्र मोदी यांच्या जाहीर सभेचं अहिल्यानगरच्या (अहमदनगर) संत निरंकारी भवन मैदानावर आज (दि. ७) आयोजन करण्यात आलं. साहजिकच या सभेला तगडा पोलीस बंदोबस्त तैनात करण्यात आला होता. जिल्हा पोलीस अधीक्षक राकेश ओला यांच्यासह अनेक वरिष्ठ अधिकारीदेखील सभास्थळी उपस्थित होते. नगर दक्षिण लोकसभा मतदारसंघातले महायुतीचे उमेदवार खासदार डॉ. सुजय विखे यांच्या प्रचारार्थ ही सभा होती.

पंतप्रधान नरेंद्र मोदींच्या या सभेला लाखो नागरिकांनी गर्दी केली. या सभेचं वार्तांकन करण्यासाठी जे काही पत्रकार आले होते, त्या पत्रकारांसाठी चक्क दोन प्रकारचे ‘पासेस’ देण्यात आले. खासदार डॉ विखेंच्या ‘यंत्रणे’नं हे काम अत्यंत जबाबदारीनं (?) केलं. यावेळी निळ्या रंगाचा एक आणि लाल रंगाचा एक असे पास पत्रकारांना देण्यात आले.

या सभेत व्यासपीठाजवळ असलेल्या जागेत पत्रकारांसाठी बसण्याची व्यवस्था करण्यात आली होती. विशेष म्हणजे मुख्य प्रवेशद्वारावर बंदोबस्तासाठी नियुक्त करण्यात आलेल्या पोलीस कर्मचाऱ्यांना
खासदार डॉ. विखेंच्या ‘यंत्रणे’नं सांगून ठेवलं होतं, की फक्त लाल रंगाचे पास घेऊन येणाऱ्याच पत्रकारांनाच आत सोडा. कारण ते अधिकृत पत्रकार आहेत. ज्यांच्याकडे निळ्या रंगाचे पास आहेत, ते अनधिकृत पत्रकार असून त्यांना मागच्या जागेत बसवा’.

दरम्यान, तोफखाना पोलीस ठाण्यातूनही पत्रकारांना पिवळ्या रंगाचे पासेस देण्यात आले. लाल रंगाचे जे पास होते, त्या पासवर खासदार डॉ. विखेंच्या यंत्रणेतले अनेक कामगार सभास्थळी फिरत होते. पंतप्रधान नरेंद्र मोदींच्या सभेसाठी अशा पद्धतीनं ज्या यंत्रणेनं असं नियोजन केलं, त्या आश्चर्यकारक यंत्रणेला मनापासून सलाम करावासा वाटतो.

आणखी महत्वाच्या बातम्या

आणखी वाचा

कचरा संकलन ठेकेदार मे.स्वयंभू ट्रान्सपोर्ट च्या कामगारांना कंत्राटदाराने नुकसान भरपाई देण्याचे मा.कामगार न्यायालयाचे आदेश..! मावळा प्रतिष्ठानचे श्री.निलेश म्हसे पा.यांनी केला पाठपुरावा…

अहिल्यानगर महानगर पालिकेच्या कचरा संकलन ठेकेदार मे.स्वयंभू ट्रान्सपोर्ट च्या चार कंत्राटी कामगारांना कंत्राटदाराने प्रत्येकी...

शिक्षण खात्याच्या अधिकाऱ्यांत आता संघटित गुन्हेगारीचा शिरकाव!

शिक्षण खात्याच्या अधिकाऱ्यांत आता संघटित गुन्हेगारीचा शिरकाव! अहिल्यानगर, धुळे, जळगाव, नंदुरबार, नाशिक जिल्ह्यातील शिक्षण विभागात...

बांधकाम व पाडकामाच्या कचऱ्यावर प्रक्रिया करण्यासाठी महानगरपालिकेने उभारला सी अँड डी वेस्ट ट्रिटमेंट प्रकल्प:

बांधकाम व पाडकामाच्या कचऱ्यावर प्रक्रिया करण्यासाठी महानगरपालिकेने उभारला सी अँड डी वेस्ट ट्रिटमेंट प्रकल्प: सावेडीतील...

पावसाळ्यापूर्वी शहरातील नालेसफाई पूर्ण करण्याचे आदेश ; बुधवारपासून टप्प्याटप्प्याने नालेसफाई सुरू करण्याचे नियोजन : आयुक्त तथा प्रशासक यशवंत डांगे!

पावसाळ्यापूर्वी शहरातील नालेसफाई पूर्ण करण्याचे आदेश ; बुधवारपासून टप्प्याटप्प्याने नालेसफाई सुरू करण्याचे नियोजन : आयुक्त...