शेअर्सच्या किंमतीमध्ये छेडछाड केली जात असून शेअर बाजारात मोठी गडबड होत आहे. यामुळे गुंतवणूकदाराचं मोठं आर्थिक नुकसान होत आहे. शेअर बाजारात पुन्हा एकदा हर्षद मेहता यांची पुनरावृत्ती होणार आहे, अशी भीती प्रसिद्ध उद्योगपती हर्ष गोयंका यांनी व्यक्त केली आहे.
पूर्वीचे ट्विटर आणि सध्याच्या एक्स या सोशल मिडिया प्लॅटफॉर्मवर गोएंका यांनी पोस्ट केली आहे. या पोस्टमध्ये त्यांनी म्हटले आहे, की प्रमोटर कंपन्यांचा नफा वाढवून दाखवत आहेत. गुजराती – मारवाडी ब्रोकरांना हाताशी धरून शेअर्सच्य किंमतीना अवास्तव स्तरावर नेले जात आहे. आता वेळ आली आहे की, सेबी आणि अर्थ मंत्रालयाने यात हस्तक्षेप करावा आणि छोट्या गुंतवणूकदारांना मोठं नुकसान होण्यापासून वाचवावे.’
दरम्यान, ३ मे रोजी शेअर बाजारात मोठी घसरण पाहायला मिळाल्यानंतर हर्ष गोयंका यांनी ही पोस्ट टाकली होती. त्यादिवशी सेन्सेक्समध्ये जवळपास १००० अंकाची घसरण होऊन ७४ हजाराच्या खाली निर्देशांक पोहोचला होता. तर निफ्टीचा निर्देशांकही २०० अंकांनी घसरला होता.
