‘अहिल्यानगर (अहमदनगर) शहरासह संपूर्ण दक्षिण लोकसभा मतदारसंघात पाच वर्षांच्या कालखंडामध्ये जी कामं केली, त्या कामांचं प्रगती पुस्तक तुमच्यासमोर आहे. यापुढे तुम्ही ठरवायचंय, की या मतदारसंघाचा विकास कसा करायचा? या पुढील काळात तरुणांना नोकरीसाठी नगर सोडून जावं लागणार नाही. तरुणांसाठी तीन कंपन्यांची निर्मिती केली जाणार असून लवकरच ते काम पूर्णत्वास येणार आहे, अशी ग्वाही या लोकसभा मतदारसंघाचे विद्यमान खासदार आणि महाविकास आघाडीचे उमेदवार डॉ. सुजय विखे यांनी दिली.
खासदार डॉ. विखे यांनी लोकसभा निवडणुकीच्या प्रचारार्थ माजी मंत्री शिवाजी कर्डिले यांच्यासमवेत राहुरी तालुक्यातल्या ताराबाद, म्हैसगाव, कोळेवाडी, शेरी चिकलठाण, दरडगाव थडी या गावांत मतदारांच्या गाठीभेटी घेतल्या.
यावेळी बोलताना माजी मंत्री कर्डिले म्हणाले, की विकास कामाच्या माध्यमातून खासदार विखे यांनी जनतेच्या मनात एक चांगली प्रतिमा निर्माण केली आहे. जिल्ह्याच्या प्रश्नांची त्यांना चांगली जाण आहे. तृणाच्या रोजगारासाठी नगर तालुका आणि श्रीगोंदा तालुक्यात औद्योगिक वसाहतीसाठी जागा उपलब्ध देण्याचा त्यांनी यशस्वी प्रयत्न केला आहे.
अहिल्यानगर मतदार संघातल्या जनतेनंच खा. डॉ. विखे यांना या निवडणुकीत साथ देण्यासाठी मनोमन निर्णय घेतला आहे. डॉ. विखे यांच्या विजयामुळे नरेंद्र मोदी यांचा पुन्हा एकदा पंतप्रधान होण्याचा मार्ग सुकर होईल. त्यामुळे मतदारसंघाच्या विकासासाठी पुन्हा एकदा महायुतीला साथ द्या, असा आवाहन माजी मंत्री कर्डिले यांनी केलं.
