नेवासे तालुक्यातल्या सोनईचे शिक्षक व्यंकटेश बेल्हेकर आणि पुष्पा व्यंकटेश बेल्हेकर यांचे चिरंजीव इंजिनिअर सर्वेश बेल्हेकर (बीई इलेक्ट्रॉनिक) यांची फ्रान्सची राजधानी पॅरिस इथं होणाऱ्या उद्योजकांच्या परिषदेसाठी निवड झाली आहे. या परिषदेसाठी ते नुकतेच फ्रान्सकडे रवाना झाले आहेत.
या बैठकीत जगभरातल्या वेगवेगळ्या कंपन्यांचे प्रतिनिधी सहभागी होणार आहेत. व्यावसायिक क्षेत्रात ही परिषद अतिशय महत्त्वाची समजली जाते.
या यशाबद्दल ज्येष्ठ साहित्यिक, माजी खासदार यशवंतराव गडाख, आमदार शंकरराव गडाख, ‘महासत्ता भारत’ वेब न्युज नेटवर्कचे मुख्य संपादक बाळासाहेब शेटे पाटील, जिल्हा परिषदेच्या पशुसंवर्धन समितीचे माजी सभापती सुनिल गडाख, उदयन गडाख आदींनी इंजिनिअर सर्वेश बेल्हेकर यांचं अभिनंदन करत भावी वाटचालीसाठी त्यांना शुभेच्छा दिल्या.
