तब्बल दोन महिन्यांपासून नगरकरांच्या डोक्याला प्रचंड ‘टेन्शन’ होतं. नगरच्या आगरकर मळा, गायके मळा, रेल्वे स्टेशन परिसर या भागातले नागरिक अक्षरशः जीव मुठीत धरून राहत होते. मात्र वनविभागाच्या प्रयत्नांमुळे बिबट्याला जेरबंद करण्यात आलं आणि नगरकरांचं टेन्शन पळालं.
नगरच्या आगरकर मळा, गायके मळा रेल्वे स्टेशन परिसरात या बिबट्यानं अनेक कुत्री आणि डुकरांचा फडशा पाडला. सुदैवानं या भागात जिवितहानी झाली नाही. मात्र स्थानिक नागरिकांमध्ये प्रचंड भीतीचं वातावरण होतं. अखेर ते दूर झाल्यानं नगरकरांनी सुटकेच्या नि:श्वास टाकला.
दरम्यान, या भागात पिंजरा लावण्याची मागणी करण्यात आली होती. त्यानुसार वन विभागानं आज (दि. १७) सकाळी या भागात पिंजरा लावला. या पिंजऱ्यात बिबट्या आपोआप जेरबंद झाला. दोन महिन्यानंतर बिबट्या जेरबंद झाल्यानं नागरिकांच्या जीवात जीव आला.