‘महाराष्ट्राच्या राजकारणात अनेक पैलवान आहेत. त्या पैलवानांचा एक वस्ताद असतो. हा वस्ताद नेहमी एक डाव राखून ठेवतोच. माझ्या माहितीप्रमाणे नगर शहरात मोठी दहशत आहे. मात्र आपल्या सर्वांच्या सुदैवानं राज्याच्या राजकारणातले वस्ताद असलेले ज्यष्ठ नेते शरद पवार हे आपल्या पाठीशी आहेत. त्यामुळे कोणाच्याही दहशतीला बळी पडू नका, असं आवाहन कर्जत – जामखेड मतदार संघाचे आमदार रोहित पवार यांनी केलं.
नगर दक्षिण लोकसभा मतदार संघातल्या महाविकास आघाडीचे उमेदवार निलेश लंके यांच्या प्रचारार्थ नगर शहरातल्या क्लेरा ब्रूस हायस्कूलच्या मैदानावर आयोजित करण्यात आलेल्या सभेत ते बोलत होते. या सभेला जेष्ठ नेते शरद पवार, माजी गृहमंत्री अनिल देशमुख, माजी मंत्री बाळासाहेब थोरात, माजी आमदार दादा कळमकर, प्रसिद्ध युट्युबर्स कराळे मास्तर, किरण काळे संभाजी कदम, बाळासाहेब बोराटे, आदींसह कार्यकर्ते उपस्थित होते.
