अंकुश शिंदे /श्रीगोंदे :- नगर दक्षिण लोकसभा मतदार संघातील ओबीसी बहुजन पार्टीचे उमेवार माजी आयुक्त डॉ. दिलीप कोंडीबा खेडकर हे लोकसभा निवडणुकीसंदर्भात गाठी भेटी व प्रचार करत आहेत. देशात व राज्यात आदर्श आचार संहिता लागू आहे. एम एच 12 आर पी 5000 ही लेंड क्रुझर गाडीवर गवर्मेंट ऑफ इंडिया असा बोर्ड लावून एक माजी सनदी अधिकारी हा लोकसभेचा उमेदवार मतदार, कार्यकर्ते आणी सरकारी कर्मचारी यांच्यावर छाप पाडण्यासाठी राजरोसपणे या गाडीचा वापर करत आहे. याकडे निवडणूक निर्णय अधिकारी, भरारी पथक जाणून बुजून दुर्लक्ष करत आहेत.
याबाबत सविस्तर माहिती अशी की,नगर दक्षिण लोकसभा मतदार संघातील ओबीसी बहुजन पार्टीचे उमेवार माजी आयुक्त डॉ. दिलीप कोंडीबा खेडकर हे आज गुरुवार दि.11 श्रीगोंदा येथे हॉटेल ए स्टार येथील हॉल मध्ये पत्रकार परिषद आणि ओबीसी समाज बांधवांसाठी कार्यकर्ता संवाद मेळावा आयोजित करण्यात आला होता. यावेळी त्यांनी एम एच 12 आर पी 5000 ही लेंड क्रुझर या गाडीतून श्रीगोंद्यात प्रचारासाठी आले होते. सदर गाडी ही पुजा दिलीप खेडकर यांच्या नावावर असुन, पुजा खेडकर या पुणे येथे जिल्हाधिकारी कार्यालयात उच्च पदावर काम करीत आहेत. एक माजी उपायुक्त तर मुलगी उच्च पदस्थ सनदी अधिकारी हेच जर आदर्श आचार संहितेचा भंग करीत असतील तर राजकीय नेते, पदाधिकारी, कार्यकर्ते यांनी आचार संहितेचा भंग केल्यास नवल वाटू नये.
