‘त्यो उंदरावणी उली उली मिशा वाढवून राज्याच्या ग्रामीण भागात फिरतोय. मराठ्यांच्या अन्नात माती कालवण्याचं काम करतोय. मुख्यमंत्री आणि आरोग्यमंत्र्यांचे फोटो दाखून हे माझ्या मागं असल्याचं सांगतोय. हे असंच सुरु राहिलं तर यानंतर आम्ही सगळंच बाहेर काढू’, असा गंभीर इशारा मराठा समाजाचे नेते ‘संघर्ष योद्धा’ मनोज जरांगे पाटील यांनी अजय बारस्कर याचं नाव न घेता राज्य सरकारला दिलाय.
अंतरवाली सराटीत सुरु असलेल्या उपोषणादरम्यान ते मिडियाच्या प्रतिनिधींशी बोलत होते. जरांगे पाटील म्हणाले, ‘मराठ्यांच्या बाबतीत सरकारनं एवढा बारीक चाळणा का लावलाय? सरकार व्यापारी आहे का? आज 24 तारीख आहे. 6 तारखेला हरकती आल्या असून एवढ्या दिवस सरकार नक्की काय करतंय?
‘तो’ (अजय बारस्कर) ग्रामीण भागातल्या काही नाराज लोकांना सोबतीला घेऊन आरक्षणासाठी सुरु असलेलं आंदोलन मोडून काढण्याचा अयशस्वी प्रयत्न करत आहे. त्याच्या म्हणण्यानुसार त्याला मुख्यमंत्री आणि आरोग्यमंत्र्याचा पाठिंबा आहे. जर हे खरं असेल आणि तुम्ही जर मराठ्यांच्या अन्नात माती कालवण्याचा प्रयत्न करत असाल तर आम्ही तुमचं सगळंच बाहेर काढू .
‘त्याला’ (अजय बारस्कर) पण सांगतो, मराठ्यांच्या गद्दारीचा शिक्का पाठीवर बसून घेऊ नको. अन्यथा मराठे तुला नक्कीच उघडं करतील. तचझ्यासारखे अनेक जण मरिठ्यांचं आंदोलन मोडून काढण्यासाठी प्रयत्न करताहेत. पण आम्ही सध्या कोणाचंही नाव घेत नाही. मात्र लवकरच सर्वांच्याच नावाचं पितळ उघडं पाडू, हा आमचा इशारा आहे’.
