नगर – माँ बगलामुखी धाम,उज्जैन मंदिर स्थापना दिवस तथा भतृहरि गुफाचे पीठाधीश्वर व अखिल भारतीय नाथ संप्रदायाचे मठाधिश श्री श्री १००८ योगी पीर श्री रामनाथजी महाराज यांचा जन्मदिवस निमित्ताने देवांचा देव महादेव अर्थात महाकाल उज्जैन,मध्यप्रदेश येथे संत सत्संगाचे आयोजन करण्यात आले होते.यासाठी नगर मधील मंगल भक्त सेवा मंडळाचे मठाधीपती श्री विश्वेश्वर स्वामी महाराज(श्री राजाभाऊ कोठारी)याना आमंत्रित करण्यात आले होते.
या प्रसंगी पुजारींच्या वतीने माँ बगलामुखीची पुष्पांच्या माध्यमातून विश्व कल्याणाची प्रार्थना करण्यात आली.सकाळी ११.वा.१५१ पुजारींच्या वतीने मंदिरात चालू असलेल्या ११ कुंडी शतचंडी महायज्ञाची पूर्णाहुती देण्यात आली.दुपारी साधू-संत सत्संग सोहळा पार पडला.महंत रामनाथजी महाराज यांच्या जन्मदिवसाचे औचित्य साधून आंध्रप्रदेश येथून आलेल्या युवतींनी कुचीपुडी नृत्य सादर करून उपस्थितांना मंत्रमुग्ध केले.या धार्मिक सोहळा कार्याप्रसंगी गुरुवर्य श्री विश्वेश्वर स्वामी महाराज(श्री राजाभाऊ कोठारी)तथा अध्यक्ष मंगल भक्त सेवा मंडळ,अहिल्यानगर व बालयोगी उमेशनाथजी महाराज(खासदार,राज्यसभा) यांना आमंत्रित करण्यात आले होते.
फोटो-माँ बगलामुखी धाम,उज्जैन मंदिर स्थापना दिवस निम्मित आयोजलेल्या साधू-संत सत्संग सोहळा मध्ये श्री विश्वेश्वर स्वामी महाराज(श्री राजाभाऊ कोठारी) यांचा सन्मान करण्यात आला
