अहिल्यानगर (अहमदनगर) शहरातल्या पाईपलाईन रस्त्यालगतच्या वाणीनगरजवळील कादंबरी नगरी फेज 4 इथल्या आंतरराष्ट्रीय कृष्ण भावनामृत संघ (इस्कॉन) या हरे कृष्ण मंदिरात दि. 11 ते 17 एप्रिल दरम्यान भव्य अशा रामकथेचं आयोजन करण्यात आलं आहे या कार्यक्रमाचा मोठ्या संख्येनं नगरकरांनी लाभ घ्यावा, असं आवाहन नगर इस्कॉन केंद्राचे अध्यक्ष गिरीवरधारी प्रभू यांनी ‘महासत्ता भारत’शी बोलताना केलंय.
नगर ‘इस्कॉन’ या अध्यात्मिक केंद्रात विद्यार्थ्यांवर सुसंस्कार करण्यासह त्यांच्या मनात नैतिक मूल्यांची जोपासना केली जाते. तसेच या विद्यार्थ्यांना वैदिक शिक्षण प्रणाली कृष्ण भक्ती आदींसह जबाबदार नागरिक घडविण्याचा प्रयत्न केला जात आहे.
या अध्यात्मिक केंद्रात दररोज सकाळ संध्याकाळ कृष्णकथा आयोजित केली जाते. दर आठवड्याला ग्रंथराज श्रीमद्भगवद्गीता, ग्रंथराज श्रीमद् भागवत, रामायण या महान ग्रंथांवर प्रवचन दिल जातं. या आध्यात्मिक केंद्रात शेकडो कृष्णभक्त देहभान विसरुन नृत्य करत असतात. उपस्थित सर्व कृष्ण भक्तांसाठी महाप्रसादाचं आयोजन केलं जातं.
