Neet या परीक्षेच्या विद्यार्थ्यांनी खूप मनापासून तयारी केली आहे. त्यांची मेहनत आम्ही विसरु शकत नाही. या परीक्षेत तुमची चूक आहे की इतरांची हे मान्य करा. चूक झाली असल्यास संबंधितांवर कारवाई करु, असं म्हणा, अशा शब्दांत सर्वोच्च न्यायालयाचे न्यायमूर्ती विक्रम नाथ आणि न्यायमूर्ती एस. व्ही. एन. भट्टी यांनी केंद्र सरकार आणि एन. टी. ए. ला सुनावलंय. या खटल्याची पुढील सुनावणी दि. ८ जुलै रोजी होणार आहे.
दरम्यान, याचिकाकर्ते नितीन विजय यांच्या वकिलांनी बिहार आणि गुजरात पोलिसांसह विभागीय चौकशीचा स्टेटस रिपोर्ट्स हवा असल्याचं कोर्टाला सांगितलं. त्यावर न्यायमूर्ती नाथ म्हणाले की ‘तुम्ही आठ जुलैला न्यायालयासमोर युक्तिवाद करा’.
वकिलांशी चर्चा करताना न्यायमूर्ती भट्टी म्हणाले, ‘व्यवस्थित असलेल्या उणिवांचा लाभ घेत एखादा डॉक्टर झाला आणि तुमच्यावर तो उपचार करु लागला तर असा डॉक्टर तुमच्यासाठीच नव्हे तर संपूर्ण समाजासाठी धोकादायक ठरणारा आहे’.