सार्वजनिक बांधकाम विभागाच्या अधिकार्‍यांनी खुर्च्या खाली करा! अविनाश पवार मनसे नेते
चेतक एंटर प्रायजेसकडून नगर – पुणे महामार्गावर रस्ता सुविधा उपलब्ध करुन देण्याबाबत सार्वजनिक बांधकाम विभागाचे अधिकारी अपयशी ठरल्यामुळे अधिकार्‍यांनी स्वतः हून खुर्च्या खाली कराव्यात, असं आव्हान
महाराष्ट्र नवनिर्माण सेनेच्या माथाडी कामगार सेनेचे अहमदनगर जिल्हाध्यक्ष अविनाश पवार यांनी केलंय.
यासंदर्भात पवार यांनी म्हटलंय, की महाराष्ट्र नवनिर्माण सेनेच्यावतीनं सार्वजनिक बांधकाम विभागाच्या अधिकारी वर्गाशी सातत्यानं पत्रव्यव्हार करण्यात आला. पण महामार्गावर तुट पुंजी कामं करुन वेळ काढू धोरण अवलंबविल जात आहे.
नगर – पुणे महामार्गावर पडलेले खड्डे रस्ता वर झालेले अनधिकृत बांधकाम तसेच अपूर्ण कामं,
अनधिकृतपणे तोडलेले डिव्हायडर, खचलेल्या साईड पट्या, सूचना फलक, रिफ्लेक्टर तसंच मदतीसाठी हेल्पलाईन नंबर, महामार्गावर प्रवास करणार्‍या प्रवाशांच्यासाठी स्वच्छता गृह या मुलभूत सुविधा बंधनकारक असतानासुद्धा चेतक एंटर प्रायजेसच्या मनमानी कारभारामुळे अशी परिस्थिती याठिकाणी पहायला मिळत आहे.
महाराष्ट्र नवनिर्माण सेनेच्यावतीनं वेळोवेळी पत्रव्यवहार करुन पण तुट पुंजी कामं करुन सार्वजनिक बांधकाम विभागाचे अधिकारी याकडे गांभिर्यानं न पाहता याकडे जाणीवपूर्वक दुर्लक्ष करत आहेत.
झोपेचं सोंग घेणार्‍या सार्वजनिक बांधकाम विभागाच्या अधिकारी वर्गाविरोधात कर्तव्याची जाणीव करुन देण्यासाठी उग्र आंदोलनाचा इशारा पवार यांनी दिलाय.
पवार म्हणाले, या महामार्गावर सतत निरपराध नागरिकांना जीव गमवावा लागत आहे. अधिकारी एसीमध्ये निवांत बसून आहेत. त्यामुळे या अधिकार्‍यांना खुर्चीवरून हटविण्यासाठी
उग्र स्वरूपाचे आनदोंलन करण्यात येणार असल्याचे मनसे माथाडी कामगार सेना अहमदनगर जिल्हा अध्यक्ष अविनाश पवार यांनी प्रसार माध्यमांशी बोलताना सांगितले.
