काॅलेजची पार्टी रंगात आली, भगदाड पडलं आणि अचानक सारेच झाले गडप … !
अचानक जमिनीला भगदाड पडणं आणि त्यानंतर पायाखालची जमीन सरकणं, याचा प्रत्यय पेरु देशात नुकताच आलाय. सोशल मिडियावर एक व्हिडिओ व्हायरल होत असून यात कॉलेजची पार्टी सुरु आहे, यामध्ये अनेक विद्यार्थी एकत्र नाचत आहेत.
या दरम्यान अचानक एक भयानक घटना घडली. जे पाहून सर्व जण थक्क झाले. व्हायरल होत असलेल्या व्हिडिओमध्ये असं दिसतंय, की कॉलेज विद्यार्थ्यांची पार्टी सुरु आहे. यामध्ये विद्यार्थी एकत्र येत बेभान होत नाचताना दिसत आहेत.
यावेळी एक भयानक घटना घडली, ज्यामुळे त्याठिकाणी जमलेले सर्व जण हादरुन गेले. डान्स करत असताना अचानक जमिनीला भगदाड पडलं आणि सर्व विद्यार्थी त्यात गडप झाले.
ही घटना पेरूच्या सॅन मार्टिनची आहे. या पार्टीमध्ये २५ हून जास्त विद्यार्थी सहभागी झाले होते. पुढे नक्की काय घडणार, याची कल्पना कोणालाच नव्हती. पार्टीमध्ये जमीन खचल्याने सर्व विद्यार्थी खाली पडले. या घटनेत किती विद्यार्थी जखमी झाले याबाबत अजून कोणतीही माहिती मिळू शकली नाही.
हा व्हिडिओ पाहून अनेकजण हादरुन गेले आहेत. आतापर्यंत या व्हिडिओला भरपूर व्ह्युज मिळाले असून २८ हजारांहून अधिक लोकांनी या व्हिडिओला लाईक केलंय. अनेक जण या व्हिडिओवर वेगवेगळ्या प्रतिक्रिया देत आहेत.
