रस्त्यानं जात असलेल्या १५ वर्षीय मुलीला शाळेत सोडतो, असं सांगून तिच्यावर अत्याचार करणाऱ्या संगमनेर तालुक्यातल्या नांदूर खंदरमाळच्या गोंधेवाडी इथं राहणाऱ्या रविंद्र वसंत गोंधे या २७ वर्षीय तरुणाला सक्तमजुरीची शिक्षा ठोठावण्यात आली. संगमनेरचे जिल्हा आणि सत्र न्यायाधीश योगेश मनाठकर यांनी हा महत्त्वपूर्ण निकाल दिला.
संगमनेर तालुक्यातल्या घारगाव परिसरातल्या पठार भागात राहणाऱ्या नागरिकांचं या खटल्याच्या निकालाकडे लक्ष लागलं होतं. दि. १२ डिसेंबर २०१८ रोजी अल्पवयीन मुलगी रस्त्यानं जात असताना आरोपी गोंधे यानं तिला पळवून नेत वेगवेगळ्या ठिकाणी तिच्यावर अत्याचार केले.
विशेष म्हणजे ती अल्पवयीन असल्याचं माहित असूनही आरोपी गोंधे यानं तिला लग्नाचं आमिष दाखवलं. हा प्रकार कोणाला सांगितल्यास जीवे मारण्याची धमकीही त्या अल्पवयीन मुलीला देण्यात आली होती.
