पांगरमल गावातल्या लोकांनी गैरकायद्याची मंडळी जमवून कु-हाडी, कोयते आणि लाकडी दांडक्यानं मारहाण करत चांगदेव नामदेव चव्हाण (वय 25 वर्षे, रा. पखोरा, ता. गंगापूर, जि. छत्रपती संभाजीनगर) याला ठार मारलं. आज (दि. ४) मध्यरात्री दीडच्या सुमारास फिर्यादीच्या राहत्या घरी आणि त्यानंतर पांगरमल ग्रामपंचायत कार्यालयासमोर मारहाण करण्यात आली.
शेळ्या चोरण्याच्या संशयावरुन ही मारहाण करण्यात आली. याप्रकरणी शालिका रमेश चव्हाण, वय 30 वर्षे, धंदा मजुरी, रा. पांगरमल, ता. जि. अहमदनगर) यांच्या फिर्यादीवरुन महादेव आव्हाड, सरपंच अमोल आव्हाड, उध्दव महादेव आव्हाड, आजीनाथ महादेव आव्हाड, गणेश अंबादास आव्हाड, संदीप पंढरीनाथ आव्हाड आणि गावातले इतर अनोळखी 20 ते 25 लोक (नाव गाव माहीत नाही.) सर्व रा.पांगरमल ता. जि. अहमदनगर) यांच्याविरुद्ध एमआयडीसी पोलीस ठाण्यात खुनाचा गुन्हा दाखल करण्यात आला.
