स्थानिक गुन्हे शाखा अॅक्शन मोडमध्ये तब्बल 16 अवैध धंद्यांवर छापे दारू व जुगार अड्डे उद्वस्त
अहिल्यानगर (प्रतिनिधी):- जिल्ह्यातील शिर्डी येथील 16 अवैध व्यावसायिकांविरूध्द स्थानिक गुन्हे शाखेने कारवाई करत आरोपीकडून 2 लाख 02,360/- रू. किंमतीचा मुद्देमाल जप्त केला आहे. वरिष्ठ पोलीस अधिकाऱ्यांच्या सूचनेनुसार स्थानिक गुन्हे शाखेचे पथकाने दि 06 मे 2025 रोजी शिर्डी पोलीस स्टेशन हद्दीमध्ये अवैध दारू विक्रेते व अवैध जुगार चालविणाऱ्या इसमांची माहिती काढुन, पंचासमक्ष 16 वेगवेगळया ठिकाणी छापे टाकुन अवैध व्यावसायिकांविरूध्द कारवाई केली.
त्यामध्ये शिर्डी पोलीस स्टेशनला महाराष्ट्र जुगारबंदी कायदयान्वये 7 व महाराष्ट्र दारूबंदी कायदयान्वये 9 असे एकुण 16 गुन्हे दाखल करण्यात आले असून त्यात 2,02,360/- किंमतीचा मुद्देमाल जप्त करण्यात आलेला आहे. सदर कारवाई श्री. राकेश ओला पोलीस अधीक्षक, अहिल्यानगर, श्री. वैभव कलुबर्मे, अपर पोलीस अधीक्षक, श्रीरामपूर, श्री. शिरीष वमने, उपविभागीय पोलीस अधिकारी, शिर्डी, स्थानिक गुन्हे शाखा पोनि. श्री दिनेश आहेर यांच्या सूचना व मार्गदर्शनाखाली तपास पथकातील पोलीस अंमलदार गणेश लोंढे, विशाल तनपुरे, रणजीत जाधव, अमृत आढाव, बाळासाहेब गुंजाळ यांनी केलेली आहे.
