‘स्वार्थी राजकारणासाठी काही नेते इतक्या नीच पातळीला जात आहेत, की ते देशाशी गद्दारी करत असल्याचंच त्यांच्या लक्षात येत नाही. काँग्रेसचे नेते वडेट्टीवार म्हणतात, की अतिरेकी अझमल कसाबने झाडलेली गोळी शहीद हेमंत करकरे यांना लागलीच नाही. शहिदांचा अपमान करण्याची वडेट्टीवार यांची ही प्रवृत्ती निषेधार्ह आहे. अतिरेकी अझमल कसाबचा पुळका असलेल्या वडेट्टीवार यांनी त्याच्या कुटुंबियांच्या पालनपोषणाची जबाबदारी घ्यावी, असं आवाहन भाजपचे नेते चंद्रशेखर बावनकुळे यांनी केलं.
नगर दक्षिण लोकसभा मतदारसंघातले शिवसेना-भाजप महायुतीचे उमेदवार खासदार डॉक्टर सुजय विखे यांच्या प्रचारार्थ नगरच्या सावेडी परिसरातल्या कोहिनूर मंगल कार्यालयात आयोजित करण्यात आलेल्या सभेत ते बोलत होते. यावेळी भाजपचे ज्येष्ठ नेते अभय आगरकर, प्रा. भानुदास बेरड, महापौर बाबासाहेब वाकळे, बाबा सानप, निशांत दातीर, दत्तात्रय खेमनर आदींसह महिला पदाधिकारी आणि कार्यकर्ते उपस्थित होते.
