नेवासे तालुक्यातल्या सोनईच्या इदगाह मैदानावर गुरुवारी (दि. ११) ईद उल फित्र भक्तीभावानं साजरी करण्यात आली. मुस्लिम धर्मियांचं पवित्र स्थळ असलेल्या मक्का मदिना येथे बुधवारी ( दि. १०) ईद साजरी करण्यात आली.
रमजान महिन्याच्या 30 उपवासानंतर गुरुवारी संपूर्ण देशामध्ये व राज्यांमध्ये ईद उत्साहात साजरी करण्यात आली. यावेळी हिंदू धर्मियानी मुस्लिम बांधवांना ईदच्या शुभेच्छा दिल्या. याप्रसंगी ईदगाह मैदानावर युवा नेते प्रकाश भाऊ शेटे, रिपब्लिकन पार्टी ऑफ इंडियाचे माजी जिल्हाध्यक्ष विजय जगताप, सोनई पोलीस ठाण्याचे सहाय्यक पोलीस निरीक्षक आशिष शेळके, फोटोग्राफर संतोष तेलोरे आदी उपस्थित होते. यावेळी सोनई पोलीस ठाण्याकडून चोख बंदोबस्त तैनात करण्यात आला होता.
