महाविकास आघाडीतील पक्षश्रेष्ठींमध्ये नगर शहरातील जागेबाबत वेगवान हालचाली..!
अहिल्यानगर – विधानसभा निवडणुकीच्या पार्श्वभूमीवर उध्दव बाळासाहेब ठाकरे शिवसेनेकडून मातोश्रीवर सध्या वेगवान हालचाली सुरु आहेत. अहिल्यानगर जिल्ह्यात दोन जागा उध्दव ठाकरेंच्या शिवसेना मशालीकडे देण्यात आल्या आहेत. त्यापैकी एक नगर – नेवासा तर दुसरी नगर शहराला देण्यात आली होती.
महासत्ता भारत पेज ला Subscribe करा
परंतु नगर शहराची उबाठा शिवसेना गटाची जागा बदलून ती जागा श्रीगोंदा मतदार संघाला जाणार असल्याची माहिती मिळत असून त्या अनुषंगाने श्रीगोंदा मतदार संघातील दावेदार साजन पाचपुते यांचे नाव मागे पडले असून या मतदार संघातून अनुराधा नागवडे यांना मशाल चिन्हाची उबाठा शिवसेना गटाकडून उमेदवारी देण्यात येणार असून उद्या रविवारी दि.२० रोजी अनुराधा नागवडे या कदाचित मातोश्री वर जाऊन शिवसेना उध्दव बाळासाहेब ठाकरे शिवसेना गटात प्रवेश करणार असल्याचे खात्रीलायक माहिती मिळत आहे.
दरम्यान नगर शहराची जागा शरद पवार गट राष्ट्रवादी काँग्रेसला देण्यात आल्याचे खात्रीलायक सूत्रांकडून सांगण्यात येत असून या पक्षाकडून तुतारी चिन्हावर दिलीप सातपुते व अभिषेक कळमकर हे प्रबळ दावेदार मानले जात आहे. मात्र या संपूर्ण हालचालींमध्ये खासदार निलेश लंके यांची भूमिकाही महत्वाची मानली जात आहे.
त्याचप्रमाणे स्वतंत्र नेवासा विधानसभा मतदारसंघ उबाठा शिवसेनेला देण्यात आला असून मशाल या चिन्हावर या मतदारसंघाचे विद्यमान आमदार शंकरराव गडाख हे निवडणूक लढणार आहेत.
