‘मायबाप जनतेमुळे मला केंद्रात जाण्याची संधी मिळाली. या संधीचे सोनं करत मराठा आरक्षणाचा मुद्दा लोकसभेत उपस्थित करावाच लागणार आहे. हा प्रश्न नक्कीच लोकसभेत मांडणार’, असं आश्वासन दक्षिण लोकसभा मतदारसंघाचे खासदार निलेश लंके यांनी दिलंय.
मराठा समाजाला ओबीसीतूनच आरक्षण मिळावं, या मागणीसाठी उपोषण करणारे मनोज जरांगे यांची खासदार लंके यांनी छत्रपती संभाजीनगरच्या हॉस्पिटलमध्ये जाऊन भेट घेतली. त्यावेळी त्यांनी हे आश्वासन दिलं.
खासदार लंके म्हणाले, जरांगे यांनी स्वतःच्या जीवाची पर्वा न करता आमरण उपोषण केलं. त्याच्या या उपोषणाचा माझ्या मतदारसंघातदेखील फायदा झाला. जरांगे यांच्या या आंदोलनामुळे महायुतीला फटका बसल्याचंही खासदार लंके म्हणाले.
