नगर महापालिकेच्या आयुक्तपदी यशवंत डांगे यांची नियुक्ती झाली. आज (दि. ११) ते या पदाचा पदभार घेणार आहेत. मात्र त्यांच्या पदभार स्विकारण्याच्या या प्रक्रियेऐवजी सोशल मिडियावर सध्या जी पोस्ट फिरते आहे, अनेकांच्या दृष्टीने प्रचंड उत्सुकतेचा विषय झाली आहे.
माहिती अधिकार कार्यकर्ते, भ्रष्ट ब्लॅकमेलर्स, राजकीय पोळी भाजणारे नेते यांना जुमानणारे दबंग डॅशिंग अधिकारी यशवंत डांगे आज पदाचा पदभार स्विकाणार, अशी ती पोस्ट आहे. सोशल मिडियावर ती पोस्ट कोणी व्हायरल केली, हा मोठा चर्चेचा विषय आहे.
आयुक्त पदाचा पदभार स्विकारल्यानंतर डांगे यांची कार्यपद्धती कशी असणार, कोणत्या अधिकाऱ्याला ते कुठं ‘फेकणार’, कोणत्या अधिकाऱ्याला कोणती जबाबदारी देणार, आत्तापर्यंत अनेक ‘गडबडी’ केलेल्या अधिकाऱ्यांविरुद्ध नवे आयुक्त डांगे हे कशा पद्धतीनं कारवाई करणार, यासारखे अनेक प्रश्न या निमित्तानं उपस्थित झाले आहेत.
