शेतमालाला हमीभाव मिळावा, कांदा आणि दूध दर निश्चित करावेत, शेतकऱ्यांच्या प्रश्नांची सोडवणूक करण्यात यावी, या आणि अशा अनेक मागण्यांसाठी नगर दक्षिण लोकसभेचे खासदार निलेश लंके यांच्या नेतृत्वाखाली नगरच्या जिल्हाधिकारी कार्यालयासमोर सुरु असलेल्या आंदोलनाचा आजचा (दि. ६) दुसरा दिवस आहे. मात्र दुपारी उशिरापर्यंत जिल्हा प्रशासनाकडून या आंदोलनाची दखल घेण्यात आली नव्हती.
या आंदोलन दरम्यान नगर जिल्हा परिषदेचे माजी सदस्य बाळासाहेब हराळ यांनी ‘महासत्ता भारत’ न्युज नेटवर्कशी बोलताना शासन आणि प्रशासनाविषयी संताप व्यक्त केला.
माझा शेतकरी राजा खऱ्या अर्थानं पांडूरंग आहे. शेतकरी जर जगला तर तुम्ही आम्ही जगू. मात्र शेतकरी अडचणीत आला तर तुम्ही आम्ही काय खाणार, असा सवाल उपस्थित करत माजी जि. प. सदस्य बाळासाहेब हराळ यांनी राज्य सरकारवर टीका केली.
