नगर दक्षिण व शिर्डीतून महायु्तीकडून लोकसभेला कोणाला उमेदवारी मिळणार याबाबत सध्या जोरदार चर्चा चालू असतानाच भाजप कडून दोन्ही मतदार संघातून उमेदवार निश्चित झाल्याचे माणण्यात येत आहे.
नगर दक्षिणेतून खा. सुजय विखे यांनाच संधी- अहमदनगर लोकसभेसाठी खा. सुजय विखे हेच उमेदवार भाजपकडून राहतील असे या यादीत दिसते. त्यामुळे खा. विखे याना भाजप उमेदवारी देणार का याकडे सर्वांचे लक्ष लागले होते.
आता या चर्चांना पूर्णविराम मिळणार असून दक्षिणेसाठी खा.सुजय विखे हेच भाजपचे लोकसभेचे उमेदवार असतील हे सध्या तरी या यादीनुसार समोर आल्याचे दिसते.
शिर्डीमधून शिंदे गटाचा पत्ता कट – शिर्डीमध्ये शिंदे गटाचे खा. सदाशिव लोखंडे हे विद्यमान खासदार आहेत. परंतु महायुतीच्या जागावाटपात ही जागा शिंदे गटाला मिळणार नसल्याचे दिसत आहे. ही जागा बहुतेक रामदास आठवलेंना जाईल असे या यादीवरून दिसते.
भाजप शिर्डीमध्ये रामदास आठवलेंना तिकीट देऊ शकते. या जागेवर याधीही रामदास आठवले यांनी दावा केला होता. आता ही जागा शिंदे गटाऐवजी भाजप रामदास आठवले यांना देऊ शकते असे म्हटले जात आहे.
