अजय तळेवाले (वय ४५) असं त्याचं नाव. एका फायनान्स कंपनीत लोकांना कर्ज मिळवून देण्याचे काम तो करतो. घरी सुशील पत्नी आणि सोळा वर्षांची मुलगी. तसं पाहिलं तर त्याचा सुखी संसार होता. मात्र अधूनमधून पैशांच्या कारणावरुन बायकोत आणि त्याच्यात भांडण व्हायची. साहजिकच मुलगी आईची बाजू घ्यायची. पण त्याच्या तळपायच्या आग मस्तकात जायची.
अशाच एका भांडणात त्याची पत्नी श्वेता तळेवाले (वय ४०) या रोजच्या भांडणात थकल्यामुळे ‘मी माहेरी जाते’, असं म्हणत झोपी गेल्या. त्यांना झोप लागली असताना अजय तळेवाले आणि त्यांच्या हाताची नस दाबली आणि उशीनं त्यांचं तोंड दाबत त्यांना ठार मारलं. मुलगी शिरोली तळेवाले (वय १६) आईची बाजू घेते म्हणून तिचादेखील उशीने तोंड दाबून केला.
आज (दि. १६) पहाटे ही दुर्दैवी आणि निर्घृण अशा दुहेरी खुनाची घटना पुण्यातल्या कात्रज परिसरात असलेल्या दत्तनगर भागात घडली. विशेष म्हणजे पत्नी आणि मुलीचा खून केल्यानंतर अजय हा स्वतः पोलीस ठाण्यात हजर झाला. याप्रकरणी पोलिसांनी दुहेरी खून प्रकरणी गुन्हा दाखल केला.
