डॉ. बी. जी. शेखर पाटील यांची बदली कॅटकडून रद्द. नाशिक परिक्षेत्राचे विशेष पोलिस महानिरीक्षकपदी नियुक्तीचा दिला आदेश
लोकसभा निवडणुकीच्या पार्श्वभूमीवर निवडणूक आयोगाच्या नियमांवर बोट ठेवत राज्य सरकारने अधिकाऱ्यांच्या बदल्या केल्या होत्या. त्यामध्ये नाशिक परिक्षेत्राचे विशेष पोलीस महानिरीक्षक डॉ. बी. जी. शेखर पाटील BG Shekhar Patil यांचीही बदली करण्यात आली होती.
डॉ. शेखर यांनी आपली बदली नियमबाह्य असल्याचे सांगत या विरोधात केंद्रीय प्रशासनिक न्यायाधीकरणात (कॅट) याचिका दाखल केली होती. या याचिकेचा निकाल लागला असून डॉ. शेखर यांना पुन्हा नाशिक परिक्षेत्राचे विशेष पोलीस महानिरीक्षकपदी नियुक्त करण्याचे आदेश दिले आहेत. त्यांच्या जागी नियुक्त करणारे दत्तात्रेय कराळे यांची बदली कॅटने रद्द ठरविली आहे.
