नेवासे तालुक्यातल्या सोनई बसस्थानकाची नुकतीच डागडूजी करण्यात आली आहे. मात्र हे काम अत्यंत निकृष्ट दर्जाचं झाला असून या कामाची चौकशी करण्यात यावी, अशी मागणी भाजपचे कार्यकर्ते अरुण चांदघोडे यांनी ‘महासत्ता भारत’शी केलीय.
या कामावर खर्च करण्यात आलेले एक कोटी 69 लाख रुपये ठेकदाच्या घशात गेले आहेत. आधीच एसटी महामंडळ तोट्यात असताना ही आर्थिक उधळपट्टी कशासाठी, असा सवाल या निमित्तानं उपस्थित केला जात आहे.
सोनई बसस्थानकाच्या दोन्ही बाजूंनी एसटी बसेसची ये – जा सुरु असते. या दोन्ही बाजूला नाशिक जिल्ह्यातल्या सिन्नरचा जो कोणी ठेकेदार आहे, त्यानं अतिशय अरुंद अशा पद्धतीनं रस्त्याचं काँक्रीट केलं आहे.
या रस्त्यावर जर दोन बसेस एकत्र आल्या तर दुसऱ्या बसला रस्तादेखील शिल्लक ठेवण्यात आलेला नाही. एकूणच हे काम निकृष्ट दर्जाचं झालं असून त्याची चौकशी करण्याची मागणी, चांदघोडे यांनी केली आहे.
