‘भारतीय संविधानानं प्रत्येकाला अधिकार दिलेला आहे, की जोपर्यंत एखाद्यावरचे आरोप सिद्ध होत नाहीत, तोपर्यंत ती व्यक्ती दोषी होत नाही. माझ्यावर जरी वेगवेगळ्या आरोप होत असले तरी त्या सर्व आरोपांच्या संदर्भात मी समितीसमोरच स्पष्टीकरण देणार आहे, असा निर्धार वादग्रस्त आयएएस अधिकारी पूजा खेडकर यांनी खासगी वृत्तवाहिन्यांशी बोलताना व्यक्त केलाय.
खेडकर म्हणाल्या, ‘कोणी काही आरोप केले तरी, मात्र माझं उत्तर मी नेमलेल्या समितीसमोर सादर करणार आहे. ते दाखल करण्यात आलेले दस्तावेज असतील किंवा प्रमाणपत्र असतील, ते मी समिती समोर मांडणार आहे. सर्वसामान्य जनतेला माहित आहे, प्रशासन कसं चालते आणि सगळे काम कशी होतात.
दरम्यान, खेडकर यांनी २०१९-२० पर्यंत खेडकर पूजा दिलीपराव या नावानं यूपीएससीची परीक्षा दिली. तर २०२१ आणि २०२२ ला त्यांनी नावात बदल करत पूजा मनोरमा दिलीप खेडकर या नावाने यूपीएससीची परीक्षा दिली. यूपीएससीमध्ये पूजा खेडकर यांच्या दोन्ही नावांच्या लिस्ट आहेत. याचीच आता तपासणी केली जात आहे.