राज्याचे अतिरिक्त पोलीस महासंचालक निखिल गुप्ता हे वार्षिक तपासणीसाठी नगरमध्ये दाखल झाले आहेत. जिल्हा पोलीस अधीक्षक राकेश ओला यांनी एसपी ऑफिसमध्ये त्यांचं स्वागत केलं. त्यानंतर अतिरिक्त पोलीस महासंचालक गुप्ता यांनी एसपी ओला यांच्या समवेत कोतवाली पोलीस ठाण्याची पाहणी केली. कोतवाली पोलीस ठाण्याची नवीन आणि प्रशस्त इमारत पाहून समाधान व्यक्त केलं.
वास्तविक पाहता अतिरिक्त पोलीस महासंचालक गुप्ता यांची मागील महिन्यातच भेट निश्चित करण्यात आली होती. मात्र काही कारणास्तव ती भेट झाली नाही. दरम्यान, आजच्या भेटीत एडीजी गुप्ता यांनी कोतवाली पोलीस ठाण्यातल्या काही महत्त्वाच्या कागदपत्रांची पाहणी केली. तसंच काही गुन्ह्यांची या भेटीत माहिती घेतली. यावेळी अप्पर पोलीस अधीक्षक प्रशांत खैरे, कोतवाली पोलीस ठाण्याचे पोलीस निरीक्षक प्रताप दराडे यांच्यासह पोलीस अधिकारी आणि कर्मचारी उपस्थित होते.
