व्हॉटस ॲप व इन्स्टाग्रामवर ओळख झालेल्या २१ वर्षीय तरूणीने राहुरी येथील एका ४० वर्षीय व्यापाऱ्याला प्रेमाच्या जाळ्यात ओढले. नंतर त्याच्याशी जवळीक साधून त्याला एका लॉजवर बोलावून त्याच्या बरोबर नको त्या अवस्थेत फोटो व व्हिडिओ शुटींग केले.
तरूणीने त्या फोटोच्या आधारे व्यापाऱ्यांकडून काही रक्कम वसूल केली. नंतर ३० लाख रूपयांची खंडणी मागीतली. या घटनेतील तरूणी व एक तरूण अशा दोघां जणांना राहुरी पोलिस पथकाने पुणे येथून ताब्यात घेतले.
राहुरी तालूक्यातील कोल्हार खुर्द परिसरातील एका ४० वर्षीय व्यापाऱ्याला एका अनोळखी तरूणीने फोन करुन क्रेडीट कार्ड पाहिजे का असे विचारले. त्यानंतर दोघांची ओळख होऊन व्हॉटॲप व इन्स्टाग्रामवर चॅटींग चालू झाली. सदर तरूणीने गोड बोलून त्या व्यापाऱ्याकडून काही रक्कम वसूल केली.
ती रक्कम परत घेण्यासाठी व्यापाऱ्याने तरूणीला फोन केला. तेव्हा तीने शिर्डीला आल्यावर तूमचे पैसे देते असे सांगीतले. १७ डिसेंबर २०२२ रोजी सायंकाळी त्या तरूणीने व्यापाऱ्याला कोल्हार खुर्द येथील एका लॉजवर बोलावून घेतले.
दोघांची भेट झाल्यावर तीने व्यापाऱ्याला प्रसादामध्ये गुंगीचे औषध देऊन दारू पाजली. नंतर व्यापाऱ्या बरोबर नको त्या अवस्थेत व्हिडीओ काढून घेतला.
त्यानंतर तरूणीने व्यापाऱ्याला लग्न कर नाहीतर ३० लाख रूपये दे. अन्यथा तूझा व्हिडीओ व्हायरल करून बदनामी करण्याची धमकी दिली. दरम्यान त्या तरूणीच्या व्यापाऱ्याकडून सुमारे ५० हजार रूपये वसूल केली.
सदर व्यापाऱ्याने राहुरी पोलिस ठाण्यात फिर्याद दिली. त्यानूसार पोलिस निरीक्षक मेघशाम डांगे यांच्या मार्गदर्शनाखाली पोलिस उप निरीक्षक चारूदत्त खोंडे हे तपास करीत होते. खोंडे यांनी योग्य त्या पद्धतीने तपास करून या गुन्ह्याची उकल केली.
सदर गुन्ह्यात रत्नागीरी जिल्ह्यातील एक २१ वर्षीय तरूणी व या मागील मास्टर माईंड असलेला व्यापाऱ्याचा भाचा असल्याचे उघड झाले. व्यापाऱ्याच्या भाच्याला ताब्यात घेऊन पोलिसी खाक्या दाखवताच त्याने गुन्ह्याची कबूली दिली.
तपासी अधिकारी पोलिस उप निरीक्षक चारुदत खोंडे, हवालदार सय्यद, महिला पोलिस नाईक कोकेकर यांचे पथकाने काल पुणे येथून त्या तरूणीला ताब्यात घेऊन गजाआड केले.
या घटने बाबत तरूणी व व्यापाऱ्याचा भाचा या दोघांवर गुन्हा रजि. नं. १२/२०२३ भादंवि कलम ३२८, ३८४, ३८५, ५०६ प्रमाणे खंडणीचा गुन्हा दाखल करण्यात आलाय.
सोशल मिडीयावर कोणत्याही अनोळखी व्यक्ती सोबत मैत्री करु नका. सध्या सेक्सटोर्शन हा गुन्ह्याचा प्रकार खुप जास्त प्रमाणात आढळुन येत असल्याने बरेच नागरिक यास बळी पडत आहेत. असा पक्रार झाल्यास त्वरीत पोलीसांना कळवावे. आपले नाव गोपनिय ठेवण्यात येईल. असे आवाहन पोलीस प्रशासनाकडून करण्यात आले.
सदरची कामगीरी पोलीस अधिक्षक राकेश ओला, अप्पर पोलीस अधिक्षक स्वाती भोर, उपविभागीय पोलीस अधिकारी संदीप मिटके यांच्या मार्गदर्शनाखाली पोलिस उप निरीक्षक चारुदत खोंडे, हवालदार सय्यद, महिला पोलिस नाईक कोकेकर यांनी केली.
