मुंबईचे माजी पोलीस आयुक्त (Mumbai Former CP) संजय पांडे (IPS Sanjay Pandey) यांना दिल्ली उच्च न्यायालयाने (Delhi High Court) नॅशनल स्टॉक एक्सचेंज (National Stock Exchange (NSE) कर्मचाऱ्यांच्या कथित बेकायदेशीर फोन टॅपिंगप्रकरणी (NSE Phone Tapping Case) जामीन मंजूर (Bail Granted) केला. संजय पांडे यांच्यासाठी हा मोठा दिलासा मानला जात आहे.
ईडीने (ED) पांडे यांना आर्थिक गैरव्यवहार प्रकरणात अटक केली होती. संजय पांडे यांच्यावर मुंबई शेअर मार्केटमध्ये (Bombay Stock Market) कर्मचाऱ्यांचे फोन टॅप केल्याचा आरोप आहे. (Delhi HC Grants Bail To Mumbai Ex CP Sanjay Pandey)
नॅशनल स्टॉक एक्सचेंजच्या सीईओ चित्रा रामकृष्णन (Chitra Ramakrishnan) यांना अटक करण्यात आली होती. त्यांच्या संगनमताने फोन टॅपिंग केल्याचा पांडे याच्यावर आरोप आहे. चित्रा रामकृष्णन यांच्या सांगण्यावरून एनएसईच्या 91 लोकांचे फोन टॅप केल्याचा त्यांच्यावर आरोप आहे.
संजय पांडे यांच्याशी संबंधित iSec Services Private Limited या कंपनीच्या माध्यमातून फोन टॅप करण्यात आले होते. ही कंपनी 2001 मध्ये स्थापन करण्यात आली होती.
त्यावेळी संजय पांडे पोलीस दलात नव्हते. त्यांनी पोलीस दलाचा राजीनामा दिला होता. मात्र त्यांचा राजीनामा मंजूर झाला नाही आणि त्यांना पोलीस दलात परत बोलवण्यात आलं होतं. संजय पांडे हे 1986 च्या बॅचचे आयपीएस अधिकारी (IPS Officer) आहेत.
