कोलकाताच्या आंतरराष्ट्रीत चित्रपट महोत्सवात बोलताना बाॅलिवूडचे महानायक अमिताभ बच्चन यांनी अभिव्यक्ती स्वातंत्र्यावर भाषण करताना नागरिकांच्या स्वातंत्र्यावर कोणतीही बंधनं लादली जाऊ नयेत. त्यांच्या अभिव्यक्ती स्वातंत्र्यावर अंकुश लावू नये. तर मग संपूर्ण बॉलिवूड माझ्या अभिव्यक्ती स्वातंत्र्यांवर गदा आणण्यासाठी मला मारायचा प्रयत्न का करतंय? सलमान खान, वाशू भगनानी हे निर्माते माझे अभिव्यक्ती स्वातंत्र्य रोखण्यासाठी न्यायालयात का गेले, असा सवाल उपस्थित करत कमाल आर. खान (के. आर. के.) या अभिनेत्यानं बाॅलिवूडचे महानायक अमिताभ बच्चन आणि सलमान खान मला मारायला टपलेत, असा खळबळजनक आरोप केलाय.
के. आर. के. खान हा अभिनेता नेहमीच सोशल मिडियावर अॅक्टिव्ह असतो. बाॅलिवूडमधल्या मोठमोठ्या अभिनेत्यांविषयी आरोप करत असतो. मागे या अभिनेत्यानं प्रसिध्द अभिनेते दिवंगत Rushi Kapoor यांच्यावर गंभीर आरोप केले होते. मात्र अभिनेता के.आर.के. याच्याविरुध्द काहींनी आरोप केल्यामुळे पोलिसांनी त्याला मुंबईच्या विमानतळावर अटक केली होती.
अभिनेता के.आ.के खान असंही म्हणतो आहे, की तुम्ही सर्व तथाकथित सुपरस्टार एका चित्रपटासाठी १२५ कोटी रुपये घेता आणि नंतर समीक्षकांच्या रिव्ह्यूला घाबरता. त्यामुळे तुमचे बकवास चित्रपट सुपरहिट करण्यासाठी तुम्हाला त्याला मारायचं आहे. म्हणूनच माझ्यासाठी तुम्ही सुपरस्टार नाहीत, तुमच्या अशा दयनीय जीवनावर थू आहे.
जर मला धमकावलं जात असेल तर सुशांत सिंह राजपुतालाही धमकी दिली गेली असेल. जर मला मारण्याचा प्रयत्न केला जात असेल तर सुशांतलाही मारलं गेलं असावं, असा दावाही केआरकेने दिवंगत अभिनेता सुशांत सिंह राजपूतच्या मृत्यूबद्दल केला आहे.
यापूर्वी आणखी दोन ट्विटमध्ये केआरकेने मोठा दावा केला होता. “माझ्या वकिलांनी सर्व एफआयआर रद्द करण्यासाठी मुंबई उच्च न्यायालयात याचिका दाखल केली आहे. ही प्रक्रिया पूर्ण झाल्यावर मी पत्रकार परिषद घेऊन जगाला सांगेन, की माझ्या नावाची सुपारी कोणी दिली आहे आणि तुरुंगात मला मारण्याचा प्रयत्न कोणी केला होता. एक अभिनेता, एक राजकारणी आणि एक पोलीस अधिकाऱ्याने तो कट रचला होता, असं केआरकेचं म्हणणं आहे.
केआरके सातत्याने ट्वीट करत नवनवीन आरोप करतोय. त्याने आणखी एका ट्विटमध्ये लिहिलं की, ‘मला रिव्ह्यू करण्यापासून रोखणे ही एक गोष्ट आहे. पण मला मारण्यासाठी कटदेखील रचला जात आहे. त्यांनी मला मारण्याचा कट रचला, याचा अर्थ ते माझ्या रिव्ह्यूला घाबरले आहेत. मी नशिबवान आहे की मी आज जिवंत आहे. आजही एक पोलीस अधिकारी मला एन्काउंटर करण्याची धमकी देत आहे आणि पण त्याला मी घाबरत नाही, असा आरोपही त्यानं केलाय.
अभिनेता केआरकेचा हा पब्लिसिटी स्टंट ?राजकारणात ज्या पध्दतीनं मोठ्या नेत्यांवर आरोप केले, आरोप करणारा कितीही सामान्य असला तरी रातोरात त्याला प्रसिध्दी मिळते. त्याच पध्दतीनं बाॅलिवूडमधल्या मोठ्या अभिनेत्यांंची नावं घेऊन प्रसिध्दी मिळवायचा किंवा कामं मिळवायचा तर अभिनेता केआरके खानचा प्रयत्न नाही ना, अशी चर्चा सध्या बाॅलिवूडमध्ये रंगली आहे. त्यामुळे प्रसिध्दीच्या झोतात राहण्यासाठी अभिनेता केआरके खानचा हा ‘पब्लिसिटी स्टंट’ असल्याचं यानिमित्तानं बोललं जातंय.
दरम्यान, अभिनेता केआरके खानच्या या आरोपामुळे बाॅलिवूडमध्ये मोठी खळबळ उडालीय. मात्र अभिनेता केआरके खानच्या या आरोपाचं ‘महासत्ता भारत’ची टीम अजिबात समर्थन करत नाही. एक बातमी म्हणून आम्ही या आरोपांडे पाहत आहोत. यातल्या तथ्य आणि शहानिशा करण्याचं काम मुंबई पोलीस यंत्रणा व्यवस्थितपणे करत आहे.
