बापरे ! ‘त्या’ महिलेनं केलाय नववीतल्या मुलावर बलात्कार!
न्यायालयानं आदेश दिला आणि ‘त्या’ महिलेविरुद्ध झाला गुन्हा दाखल
वाचा उत्तरप्रदेशातल्या लखनऊची ही घटना !
आतापर्यंत महिलांना पळवून नेऊन त्यांच्यावर बलात्काराच्या घटना आपण सर्वांनीच वाचल्या आहेत. मात्र उत्तरप्रदेशातल्या लखनऊमध्ये पाच मुलांची आई असलेल्या एका महिलेनं तिच्या शेजारी राहणार्‍या 14 वर्षीय 9 वीत शिकत असलेल्या मुलाचं अपहरण करुन त्याच्यावर बलात्कार केल्याची धक्कादायक घटना घडलीय. याप्रकरणी न्यायालयाच्या आदेशानुसार राजापूर पोलीस ठाण्यात संबंधित महिलेविरुध्द गुन्हा दाखल करण्यात आलाय.
या महिलेनं सदर मुलाला एप्रिल 2022 मध्ये प्रेमाच्या जाळ्यात ओढलं. या मुलाच्या वडिलांनी पोलिसांत तक्रार देण्याचाही प्रयत्न केला. परंतू पोलिसांनी तक्रार न घेतल्यानं त्यांनी न्यायालयात धाव घेतली. ही महिला त्या मुलाच्या शेजारी राहत होती. विशेष म्हणजे पाच मुलांची आई असूनही तिनं हे दुष्कृत्य केल्यामुळे आश्चर्य व्यक्त केलं जात आहे.
दरम्यान, पिडित मुलाच्या वडिलांनी न्यायालयात दाखल केलेल्या प्रतिज्ञापत्रात सांगितलं आहे की, ‘माझा मुलगा अवघा 14 वर्षांचा असून, तो नववीत शिकतो. आरोपी महिला आमच्या शेजारी राहते. ती विवाहित असून, पाच मुलांची आई आहे. आरोपी महिलेनं माझ्या मुलाला फूस लावून प्रेमाच्या जाळ्यात अडकवलं आणि 18 एप्रिल 2022 रोजी त्याच्यासोबत पळून गेली.
याबाबत मी तात्काळ पोलिसांत तक्रार देण्यासाठी गेलो होतो. मात्र कारवाई तर दूरच, पोलिसांनी तक्रारही घेतली नाही. त्यामुळे न्यायासाठी न्यायालयाचा दरवाजा ठोठावावा लागला.’ दरम्यान, या प्रकरणी न्यायालयाच्या आदेशावरून राजापूर पोलीस ठाण्यात पोलिसांनी संबंधित महिलेच्या विरोधात गुन्हा दाखल केला.
गुन्हा दाखल झाल्यानंतर पोलिसांनी शोधमोहिम सुरू केली आणि आरोपी महिलेचा शोध घेत तिला अटक केली. तसंच तिनं अपहरण केलेल्या पिडित मुलाचीदेखील पोलिसांनी सुटका केली. या पिडित मुलाची मेडिकल केल्यानंतर पोलिसांनी आरोपी महिलेविरुद्ध बलात्कार, अपहरण आणि पॉक्सो कायद्यांतर्गत गुन्हा दाखल केला.
त्यानंतर तपासात संबंधित पिडित मुलानं पोलिसांना धक्कादायक माहिती दिली. आरोपी महिलेनं पिडित मुलाला प्रेमाच्या जाळ्यात अडकवलं होतं. ती अनेकदा त्याच्यासोबत अश्लिल कृत्ये करीत होती. एकेदिवशी तिने त्याला अपहरण करून प्रयागराजला नेलं. तिथे तिने भाडोत्री घर घेतलं, आणि त्याला वारंवार नशेचे पदार्थ देऊन त्याच्यावर बलात्कार केला.
संबंधित पिडित मुलाने आरोपी महिलेला अनेकदा विरोध केला. परंतू महिलेनं त्याला दमदाटी केली, असंही पोलीस तपासात समोर आलंय. दरम्यान, या घटनेमुळे अनेकांना धक्का बसलाय. पिडित मुलाच्या वडिलांची सुरुवातीला तक्रार न घेतल्यामुळे राजापूर पोलिसांच्या कार्यपद्धतीवर प्रश्नचिह्न उपस्थित करण्यात आलंय.
