सुलभ शौचालयाच्या बांधकामाच्या मंजूर बिलाचा चेक काढण्यासाठी विस्तार अधिकारी आणि ग्रामविकास अधिकारी या दोन जबाबदार सरकारी अधिकार्‍यांनी तक्रारदाराकडून ४५ हजारांची लाच घेतली. या दोघांना ही लाच घेताना औरंगाबादच्या अँटी करप्शन ब्युरोच्या पथकानं Anti Currption Beauro पंचांसमक्ष रंगेहाथ पकडलं.
अशोक सूर्यभान घोडके (वय 36 वर्ष, पद – विस्तार अधिकारी, पंचायत समिती पैठण तथा प्रशासक ग्रामपंचायत अडुळ, तालुका पैठण, वर्ग 3 जिल्हा औरंगाबाद) आणि बळीराम दगडू कळंबकर (वय 56 वर्ष पद – ग्रामविकास अधिकारी, ग्रामपंचायत अडुळ, तालूका पैठण, जिल्हा – औरंगाबाद) अशी अटक करण्यात आलेल्या अधिकार्‍यांची नावं आहेत.
यातल्या तक्रारदाराची भावजय ग्रामपंचायत आडुळ येथील सरपंच असताना त्यांना ‘स्वच्छ भारत अभियाना’ अंतर्गत जिल्हा परिषद प्राथमिक शाळा आडुळ येथील सार्वजनिक शौचालयाचे बांधकाम करण्याचे काम मिळाले होते.
सदर काम तक्रारदार यांनी करून घेतले. सदर कामाचे 2 लाख 10 हजार रुपयांच्या मंजूर बिलाचे चेक काढण्यासाठी दोघांनी १० हजारांची लाच मागितली. नंतर तडजोडीअंती पंचांसमक्ष ५ हजारांची लाच स्विकारली.
आरोपी लोकसेवक नं 1 ने दहा हजार रुपयाची लाच मागणी करून तडजोडीअंती 5000 रुपये स्वीकारले आरोपी लोकसेवक क्र.2 ने चाळीस हजार रुपयांची मागणी करून 40 हजार रुपये स्विकारले.
संदीप आटोळे (पोलीस अधीक्षक, ला. प्र. वि. औरंगाबाद), विशाल खांबे (अपर पोलीस अधीक्षक, ला. प्र. वि. औरंगाबाद), गोरखनाथ गांगुर्डे (पोलीस उप अधीक्षक ला. प्र. वि. औरंगाबाद), दिलीप साबळे
(पोलीस उपअधिक्षक) यांच्या मार्गदर्शनाखाली पोलीस अंमलदार भीमराव जिवडे, विलास चव्हाण, पोलीस नाईक दिगंबर पाठक चालक पोलीस अंमलदार बागुल (ला. प्र. वि. औरंगाबाद) यांच्या पथकानं ही धडाकेबाज कारवाई केली.
