दोन हजार रुपयांच्या नोटी बाबत भारतीय रिझर्व बँकेने घेतला ‘हा’ मोठा निर्णय !
भारतीय रिझर्व्ह बँकेने 2 हजार रुपयांच्या सर्वात मोठ्या चलनी नोटेबाबत महत्वपूर्ण निर्णय घेतला आहे. रिझर्व्ह बँकेच्या म्हणण्यानुसार, 2 हजार रुपयांची नोट मागे घेतली जाणार आहे. परंतु नोटांची यापुढे छपाई बंद केली जाणार आहे. रिझर्व्ह बँकेच्या म्हणण्यानुसार, 23 मे 2023 पासून कोणत्याही बँकेत 2 हजार रुपयांच्या नोटा बदलल्या जाऊ शकतात. नोट बदलण्याची मर्यादा 20 हजार रुपये असणार आहे. असे
2016 मध्ये रिझर्व्ह बँकेने नोटाबंदी केल्यानंतर रिझर्व्ह बँकेने 2 हजार रुपयांची नोट जारी केली होती. गेल्या काही महिन्यांपासून बाजारात 2 हजार रुपयांच्या नोटा कमी दिसत होत्या. एटीएममध्येही 2 हजार रुपयांच्या नोटा मिळत नसल्याचे लोकांनी सांगितले. या संदर्भात सरकारने संसदेत माहितीही दिली होती.
रिझर्व्ह बँकेने आपल्या वार्षिक अहवालात 2 हजार रुपयांच्या नोटेबाबत बरीच माहिती दिली होती. भारतीय रिझर्व्ह बँकेच्या वार्षिक अहवालानुसार, आर्थिक वर्ष 2019-20, आर्थिक वर्ष 2020-21 आणि आर्थिक वर्ष 2021-22 मध्ये 2 हजार रुपयांची एकही नोट छापली गेली नाही. त्यामुळे बाजारात 2 हजार रुपयांच्या नोटांचे चलन कमी झाले आहे.
8 नोव्हेंबर 2016 रोजी पंतप्रधान नरेंद्र मोदी यांच्या घोषणेनंतर 500 आणि 1000 रुपयांच्या सर्व नोटा चलनातून बाद झाल्या. या चलनांऐवजी 500 आणि 2000 रुपयांच्या नव्या नोटा रिझर्व्ह बँकेने जारी केल्या.
2000 च्या नोटा 2017-18 या वर्षात देशात सर्वाधिक प्रचलित होत्या. यादरम्यान बाजारात 2 हजार रुपयांच्या 630 लाख नोटा चलनात होत्या. त्यांची एकूण किंमत 6.72 लाख कोटी रुपये होती. 2021 मध्ये केंद्रीय मंत्री अनुराग ठाकूर यांनी लोकसभेत माहिती दिली की, गेल्या दोन वर्षांपासून 2 हजार रुपयांची एकही नोट छापण्यात आलेली नाही.
आमच्या जास्तीत जास्त बातम्या वाचण्यासाठी ‘महासत्ता भारत’ हे फेसबुक पेज लाईक करा…
