तुमच्या शरिरातला ‘हा’ अवयव निकामी काय होतं? जाणून घ्या, तुमच्या शरिरातल्या ‘या’ पार्टचं महत्व!
किडनी निकामी होण्याची लक्षणं
सतत थकवा आणि कंटाळा येणं, ही आहेत. तुम्हाला काम आवडत असूनही काम करताना ऊर्जा जाणवत नसेल तर हा अगदी लहानसा बदलही किडनी निकामी होण्याचं लक्षण असतं.
किडनीची कार्यक्षमता कमी झाल्याने रक्त अशुद्ध होऊ लागते. यामुळे रक्तप्रवाहात अडथळा येतो व त्यामुळे थकवा, अशक्तपणा जाणवू लागतो. निरोगी किडनी अनेक महत्त्वाची कामे करतात. किडनी तुमच्या शरीरातील कचरा आणि घाण काढून टाकण्याचे काम करते. तसेच रक्तपेशी बनविण्यास हाडे मजबूत ठेवण्यास मदत करते. यामुळेच तुमच्या रक्तातील खनिजे योग्य काम करतात.
त्वचा जेव्हा कोरडी पडते आणि त्वचेला खाज सुटते. तेव्हा हे खनिज आणि हाडांच्या आजाराचे लक्षण असू शकते. हे किडनीच्या बिघाडाचे प्रमुख लक्षण असू शकते.
निरोगी किडनी सामान्यत: मूत्र तयार करण्यासाठी रक्तातील टाकाऊ पदार्थ फिल्टर करतात, ज्या प्रक्रियेत रक्त पेशी शरीरात ठेवल्या जातात व कचरा बाहेर टाकला जातो. जेव्हा किडनीचे फिल्टर खराब होतात, तेव्हा या रक्त पेशी मूत्रात “मिसळून” शरीराबाहेर पडू शकतात. मूत्राचा बदललेला रंग हा किडनीच्या आजारासह ट्यूमर, किडनी स्टोन किंवा संसर्गाचे चिन्हे असू शकते.
लघवीमध्ये जास्त फेस असल्यास तुमच्या शरीरातील प्रोटीनसुद्धा शरीराबाहेर पडत असल्याचे लक्षण आहे. सोप्या भाषेत समजून घ्यायचं तर जेव्हा तुम्ही अंडी एखाद्या वाटीत घेत असता तेव्हा थोडा फेस तयार होतो. कारण अंड्यामध्ये ॲल्ब्युमिन हे प्रोटीन असते. हेच प्रोटीन आपल्या शरीरातही असते, त्यामुळे जेव्हा किडनीचे फिल्टर खराब होतात, तेव्हा प्रथिने लघवीत मिसळून फेसाळ स्वरूप येऊ शकते.
किडनीचं काम कमी झाल्यास शरीरात सोडियमचे प्रमाण वाढते. त्यामुळे तुमच्या पायाला विशेषतः घोट्याजवळ सूज येऊ शकते. शरीराला सतत सूज येत असल्यास हे केवळ किडनी निकामी झाल्याचे नव्हे तर हृदय विकार, यकृताचे आजार व पायांच्या रक्तवाहिनीच्या दीर्घकालीन समस्यांचेही लक्षण असू शकते.
