उद्याचा थर्टी फर्स्ट मुंबईत साजरा करण्याचा बेत आखताय?
शहाणे असाल तर तो बेत रद्द करा! कारण पोलिसांनी कलम 144 केलंय!
मुंबई पोलिसांकडून प्रसिद्ध करण्यात आलेल्या परिपत्रकानुसार 31 डिसेंबर 2022 ते 29 जानेवारी 2023 पर्यंत 144 कलम लागू केलंय.
हे नियम लागू असणार आहेत. यामध्ये प्रामुख्यानं फ्लाईंग कंदिल वापरणं, विक्री करणं आणि ते सोबत बाळगणं या मानवी जीवनाला धोका उदभवू शकतो.
शहरातली शांतता आणि सुव्यवस्थाही भंग होऊ शकते, ज्यामुळं सावधगिरी बाळगत कलम 144 मधील अधिकारान्वये त्यावर बंदी आणण्याचा निर्णय घेण्यात आला आहे. तुम्हीही जर year ending ला आकाश कंदीर सोडण्याच्या बेतात असाल तर आताच हा बेत रद्द करा.
सरत्या वर्षाला निरोप देण्यासाठी आणि नव्या वर्षाची सुरुवात अतिशय जल्लोषात आणि दिमाखात करण्यासाठी सध्या सर्वजण सज्ज झाले आहेत. (New Year 2023 Celebration) अनेकांनी पर्यटनस्थळांवर गर्दी केली आहे.
काहींनी मुंबईत (Mumbai new year party) येत या शहरातूनच 2022 या वर्षाला निरोप देण्याचं ठरवलं आहे. थर्टी फर्स्ट म्हणजेच 31 डिसेंबर 2022 ला मुंबईत असाल, तर काही नियमांचं पालन मात्र नक्की करा. कारण, मुंबई पोलिसांकडून (Mumbai police) शहरात कलम 144 (Section 144) लागू करण्यात आलंय. त्यामुळं थर्टी फर्स्ट कसा साजरा करायचा, असाच प्रश्न या शहरातल्या नागरिकांना पडलाय.
एकीकडे नव्या वर्षाचा स्वागताचा उत्साह असतानाच दुसरीकडे मात्र राज्यातील आरोग्य यंत्रणा सतर्क असल्याचं पाहायला मिळत आहे. चीनमध्ये आलेल्या संकटाचे पडसाद आता महाराष्ट्र आणि मुंबईतही उमटू लागले आहेत. वर्षाच्या अखेरच्या दिवशी मुंबईत बरीच गर्दी होते, त्यातच कोरोनाचा संसर्ग फोफावण्याची भीती असल्यामुळं शहरात जमावबंदी लागू करण्यात आली आहे.
जमावबंदीच्या आदेशांनुसार मुंबईत कोणत्याही मोकळ्या किंवा बंद ठिकाणावर पार्टी करण्यास मनाई असेल. यामध्ये रेस्तराँ, हॉटेल, बार, रिसॉर्ट यांचा समावेश आहे. सदरील नियमांचं उल्लंघन करणाऱ्यांवर कलम 144 अन्वये कारवाई करण्यात येईल.
गेल्या काही काळात मुंबईत कोरोनाचे 2500 हून अधिक नवे रुग्ण आढळले आहेत. रुग्णांमध्ये 82 टक्क्यांनी झपाट्यानं झालेली वाढ पाहता आता आरोग्य यंत्रणांनीही युद्धपातळीवर कोरोनाशी लढण्यासाठी काही पावलं उचलण्यास सुरुवात केली आहे. तज्ज्ञांच्या मते कोरोनाच्या आणखी एका लाटेची सुरुवात मुंबईत झाली आहे, त्यामुळं आता अतिउत्साहाच्या भरात कोरोना संसर्गाचंही भान असू द्या, असंच आवाहन पोलिसांच्यावतीनं मुंबईकरांना करण्यात येत आहे.
