आयपीएलवर सट्टा लावणारा इसम पोलिसांनी केला जेरबंद ; अहमदनगर एलसीबीची कारवाई !
आयपीएल क्रिकेटवर ऑनलाईन ऑनलाइन ॲपद्वारे बेटींग (सट्टा) मोबाईलवरुन घेणारा बोल्हेगांव (ता. नगर येथील इसम 55 हजार रुपये किंमतीच्या मुद्देमालासह जेरबंद आलाय. अहमदनगरच्या स्थानिक गुन्हे शाखेच्या पोलिसांनी ही कारवाई केली असून गोरख सुद्रीक असं या इसमाचं नाव आहे.
राकेश ओला (जिल्हा पोलीस अधिक्षक, अहमदनगर) यांनी पोनि दिनेश आहरे (स्थानिक गुन्हे शाखा, अहमदनगर) यांना जिल्ह्यातील अवैध धंद्यांची माहिती घेवून कारवाई करणे बाबत आदेश दिले होते. त्या आदेशान्वये पोनि/ दिनेश आहेर हे अवैध धंद्यांची माहिती घेत असतांना गुप्तबातमीदाराकडून माहिती मिळाली की, नवनाथ नगर, बोल्हेगांव, ता. नगर येथे इसम गोरख सुद्रीक हा घरासमोर बसुन त्याचे मोबाईल फोनवर JAQK777 या ऑनलाईन साईटवर आयपीएल क्रिकेट मॅचवर बेकायदा पैसे लावुन सट्टा खेळत व खेळवित आहे.
पोनि आहेर यांनी स्थानिक गुन्हे शाखेतील पोहेकॉ/दत्तात्रय गव्हाणे, संदीप पवार, पोना/लक्ष्मण खोकले अशा पोलीस अंमलदारांचे पथक नेमून मिळालेल्या बातमीनुसार खात्री करुन कारवाई करण्याबाबत आदेश दिले.
पथकातील पोलीस अंमलदार यांनी स्थानिक पोलीस व पंचाना सोबत घेवून नवनाथनगर (बोल्हेगांव, ता. नगर) येथे जावून खात्री केली.
त्यावेळी एक इसम घरासमोर बसून त्याचे मोबाईल फोनवर काही तरी खेळताना दिसला. पथकाने त्यास जागीच पकडून पोलीस पथक व पंचाची ओळख सांगून त्याचे नाव गांव विचारले असता त्याने त्याचे नाव गोरख मच्छिंद्र सुद्रीक (वय 26, रा. नवनाथनगर, बोल्हेगांव, ता. नगर) असे असल्याचे सांगितले.
सदर इसमाच्या हातातील मोबाईलची पहाणी केली असता त्याचे मोबाईल फोनमध्ये JAQK777 ही ऑनलाईन साईट/ ॲप सुरु असल्याचे व त्या ॲपव्दारे आयपीएल किकेट मॅचवर सट्टा लावून गेम खेळत असल्याचे दिसून आल्याने त्यास हातातील मोबाईल फोनसह ताब्यात घेतले.
सदर इसमास ऑनलाईन साईट / ॲपबाबत विचारपूस करता त्याने त्याचा साथीदार प्रविण गिते (रा. तुळजाभवानी मंदीरा समोर, पाईपलाईन रोड, अहमदनगर याने JAQK777 या ऑनलाईन साईट ॲपचा युझर आयडी व पासवर्ड देवुन त्या आधारे आयपीएल क्रिकेट सट्टा खेळतो व खेळवितो, अशी माहिती दिली.
दरम्यान, पोलिसांनी त्याचा दिलेल्या पत्त्यावर जावुन शोध घेतला. परंतु तो मिळून आला नाही. ताब्यातील इसमाची पंचासमक्ष अंगझडती घेतली असता त्यांचे अंगझडतीत 55 हजार रुपये किंमतीचा सॅमसंग कंपनी 22-Ultra मॉडेलचा अँड्रॉइड मोबाईल फोन मिळून आल्याने मोबाईल जप्त करुन आरोपी विरुध्द पोहेकॉ/440 संदीप कचरु पवार, ने. स्थानिक गुन्हे शाखा, अहमदनगर यांचे फिर्यादीवरुन तोफखाना पोलीस स्टेशन गु.र.नं. ाा 528/2023 महाराष्ट्र जुगार कायदा कलम 12 (अ) प्रमाणे गुन्हा दाखल करण्यात आला. पुढील कायदेशीर कार्यवाही तोफखाना पोलीस स्टेशन करीत आहे.
सदरची कारवाई राकेश ओला, पोलीस अधीक्षक, अहमदनगर, प्रशांत खैरे, अपर पोलीस अधिक्षक, अहमदनगर, अनिल कातकाडे साहेब, उपविभागीय पोलीस अधिकारी, नगर शहर विभाग यांचे सूचना व मार्गदर्शनाखाली स्थानिक गुन्हे शाखेचे पोलीस अधिकारी व अंमलदार यांनी केली आहे.
