आणि ‘त्या’ तरुणीला सात जणांनी … ! वाचा ही पुण्यातली धक्कादायक घटना 

… आणि ‘त्या’ तरुणीला सात जणांनी … ! वाचा ही पुण्यातली धक्कादायक घटना

 

 

पुण्यातल्या बोधलेनगर येथे

तरुणीला एटीएम सेंटरमधून पैसे काढून देण्याच्या बहाण्यानं सात जणांच्या टोळक्यानं 19 हजार रुपयांना गंडवल्याचा प्रकार समोर आलाय. या तरुणीला एकटं पाहून सात जणांच्या टोळक्यानं तिच्यावर पाळत ठेवली.

 

 

तिला मदत करण्याच्या बहाण्यानं त्यातल्या एकानं हातचलाखी करुन एटीएम कार्डाची अदलाबदल करत तिच्या वडिलांच्या बँक खात्यातून 19 हजार रुपये काढले. विशेष म्हणजे ही घटना सेंटरमध्ये असलेल्या सीसीटिव्ही कॅमेऱ्यात कैद झाली.

 

 

या प्रकरणी पोलिसांनी गुन्हा दाखल केला असून सीसीटीव्ही फुटेज ताब्यात घेत संशयितांचा शोध सुरू केलाय. 24 वर्षीय मनाली प्रमोद दोंदे (रा. 05, लंबोदर पार्क, सावतामाळी स्विटस् मागे, जेलरोड) ही तरुणी पैशांची आवश्यकता असल्यानं गेल्या मंगळवारी सकाळी सव्वा दहा वाजता पुणे रोडवर असलेल्या बोधलेनगरमधील एसबीआय बँकेच्या एटीएम सेंटरमध्ये गेली होती.

 

 

त्याचवेळी एटीएम सेंटरच्या आजूबाजूला सात संशयितांनी तिला हेरले. ‘आम्हीही पैसे काढण्यासाठीच आलो आहोत’, असे भासवून गर्दी केली. 30 ते 50 वयोगटातील या संशयितांनी एटीएम सेंटरमध्ये गर्दी करुन ‘लवकर पैसे काढा, आम्हाला वेळ होत आहे’, असे बोलून तरुणी मशिनमधून पैसे काढण्याची प्रक्रिया करत असताना चोरुन तिचा एटीएम पीन पाहून घेतला.